Et jitt die Johre wie se jeder kennt
Wo m‘r ständig jäje‘n Mauer rennt
Wo ejal, wat m‘r och aanpackt, et einem mißlingk
Dat Jeföhl von totaler Resignation
Vun wejen Undank es d‘r Welten Lohn
Doch zum Jlöck weiß jedes Kingk:
Op Rään folgt Sunneschingk
Ich han selten su e Johr erlääf
Wo mir et Jlöck su an de Finger klääf
Et joof selten su e Johr wie‘t dat bisher wor
Ich han selten su e Johr jehatt
Setz alle Sorrje im iehtste Zoch schachmatt
Ich hoff et bliev su wie et wor – Wat e Johr
Die letzte fönnef Johr han zwar vell jebraat
Doch han se leider nur selten Spaß jemaat
Pesch em Spell, Jlöck en d‘r Liebe
Hätt net funktioniert
Doch Jott sei Dank jitt et immer dä eine Pungk
An dem lööf et dann endlich widder runk
Wat dich net ömbränk määt dich stärk
Han ich jetzt kapiert
Ich han selten su e Johr erlääf …
Un jeiht et och noch ens d‘r Berg eraff
Die janze Welt spellt widder jäjen dich
Denk an die joode Zick, tank neue Kraft
Un zeich all denne Köpp dieh Kampfjeseech
Steck en keinem Fall d‘r Kop en d‘r Sand
Un nemm et selver en de Hand
Un dat eine wiß du seen: Dat Lääve es schön
Ich han selten su e Johr erlääf …
